Метеорскиот дожд Геминиди, познат по своите разнобојни светлосни ленти на ноќното небо, ги воодушеви ѕвездените гледачи ширум светот.
Метеорите се видливи насекаде низ светот и може да се видат со голо око се додека небото не е премногу облачно и нема влијание на „светлосното загадување“.
Во совршени услови, набљудувачите можат да видат десетици метеори секој час.
Американската вселенска агенција НАСА ги нарекува Геминидите „најдобар и најсигурен годишен метеорски дожд“.
Метеорите можат да се видат кога Земјата минува низ појасите на комети или астероиди. Како што овие остатоци доаѓаат во контакт со атмосферата на нашата планета, тие согоруваат создавајќи спектакуларни патеки на светлина.
Геминидите се резултат на остатоци што ги остави зад себе астероидот 3200 Фаетон.
„Ѕвездите што паѓаат навистина немаат никаква врска со ѕвездите“. Тие се само мали парчиња отпад што горат“, рече научникот д-р Меги Адерин-Покок.
Бидејќи метеорскиот дожд е предизвикан од астероид, а не од комета, глетката е спектакуларна бидејќи астероидите се карпести за разлика од кометите кои се ледени.
„Овие ѕвезди кои паѓаат имаат различни бои поради разликата во елементите што се наоѓаат во честичките“, додаде таа.
Меѓу боите се белата, жолтата, зелената и сината, кои доаѓаат од метали како натриум и калциум во остатоците.
Името Geminidi доаѓа од соѕвездието Близнаци, бидејќи овие метеори како да излегуваат од него, пренесува.
Овој метеорски дожд е прекрасна глетка на ноќното небо, многу ѕвезди што паѓаат се чини дека доаѓаат од истиот извор. Најдобро е да се набљудува со голо око без специјална опрема и од што е можно потемен отворен простор, бидејќи „светлосното загадување“ во градовите може да ја расипе сцената.
Феноменот трае веќе неколку дена, а пикот беше во четвртокот навечер. За оние кои се уште не го погледнале, имаат шанса во наредните денови.
