„Големата чистка“ на сметките на Google ќе започне, а ако сакате да ја задржите онаа што не сте ја користеле подолго време, треба да одвоите неколку минути за да се најавите на неа.
Google уште во мај објави дека ќе започне со бришење на сметките кои се неактивни две или повеќе години. Пред ова, компанијата би ја бришела само содржината зачувана на сметката, а не самата сметка. Промената би требало да ја зајакне безбедноста, бидејќи неискористените сметки се подложни на компромитирање.
Google соопшти дека бришењето ќе започне во декември 2023 година, што е само еден месец од сега.
Ако имате неактивна сметка што сакате да ја зачувате, сè уште имате време да го сторите тоа. Технолошкиот гигант го започнува процесот во фази, почнувајќи со сметки кои се креирани и никогаш повеќе не се користат.
Важно е да се напомене дека Google вели дека во моментов не планира да ги избрише видео сметките на YouTube. За да ја задржите вашата сметка, сè што треба да направите е да ја активирате – доволно е да се најавите и да користите било која услуга, како на пример читање е-пошта.
Одлуката за бришење се однесува само на личните сметки, но не ги вклучува сметките од организации како што се училишта и бизниси.
