Колку се помали загубите на топлина, толку помалку енергија ќе потрошите за да постигнете удобна температура во домот.
Есента е тука, иако деновиве го немаме тој впечаток, бидејќи преку ден лесно можеме да носиме маичка со кратки ракави. Но, „го вративме часовникот“, порано се стемнува, а навечер станува постудено, што не потсетува дека е време да се загрее куќата.
Секое домаќинство горе-долу знае за себе што е најисплатливо за него, односно кој тип на греење, но покрај изборот на грејно тело – освен ако не сте приклучени на парно – се поставува уште едно важно прашање:
„Дали треба да ја греете куќата цел ден или само кога е потребно?
Секако, „темпото“ на затоплување зависи од големината на семејството, односно од недвижнината, колку сте подложни на студ, каде живеете (планина, град, море…), но ако го поставиме универзалното прашање – Дали лабавото греење цел ден навистина заштедува пари, овој одговор го добиваме од експерт…
Тие сугерираат дека да се остави греењето „на лабаво“ цел ден е само мит. Од една страна, ако го оставите греењето вклучено цел ден, котелот ќе мора да работи со полна пареа за да ја одржи температурата на поставеното ниво, а енергијата ќе ја трошите цел ден, во споредба со подесувањето на греењето да започне на избраното време.
Меѓутоа, ако самиот простор е поладен, ќе ви треба повеќе енергија за да го загреете кога ќе се вратите дома и ќе вклучите греење.
Затоа, експертите советуваат да користите тајмер.
Ова овозможува греењето да се вклучува и исклучува кога најмногу ќе го користите, за да не се грижите дали ќе заборавите да го исклучите.
Многу експерти се согласуваат дека најважното нешто што треба да се земе предвид – кога станува збор за ефикасно загревање на куќа или стан – е да се открие каде топлината бега. Ако просторот е добро изолиран, ќе трошите помалку енергија без разлика дали ќе го оставите парното вклучено цел ден или ќе користите тајмер.
Колку се помали топлинските загуби, толку помалку енергија ќе потрошите за да постигнете удобна температура во домот.
