Најмладиот милионер во денари во земјата има 9 години со остварени нешто над еден милион денари од закупнина, а највозрасниот има 97 години и во 2022 година остварил доход од 1,2 милион денари во однос на пензија и доход од извршена работа, извести на денешната прес-конференција директорката на УЈП, Сања Лукаревска.
24-годишник е најмладиот милионер во евра за 2022 година, остварил и пријавил доход од странство во износ 61,6 милион денари, а 77-годишник со остварени 92,9 милиона денари доход е највозрасниот милионер во евра, главно од дивиденди од компании во земјата.
