Обемот на инвестиции во деловен и станбен имот во Европа падна во третиот квартал бидејќи несигурните изгледи за економијата, зголемените каматни стапки и несигурноста околу цените на недвижностите ги одвратија инвеститорите од инвестирање во недвижен имот, се вели во новиот извештај „Capital Trends in Europe“ на компанијата „MSCI Real Assets“.
Деловниот имот во Европа објави седми последователен квартал на пад на инвестициите во периодот јули-септември, при што ниту еден сектор на пазарот не го избегна забавувањето кон крајот на деветте месеци до 2023-та година, соопшти „MSCI“.
Обемот на финализираните зделки падна за 57% во третиот квартал во споредба со претходната година на 32,8 милијарди евра, се вели во извештајот.
„Ова е „најслабата активност од 2010-та година“, а вкупната инвестиција во првите девет месеци од годината достигна 119 милијарди евра, што е помалку од половина од нивото за истиот период во 2022-ра година. Зделките се во последната фаза од почетокот на октомври, вообичаено сигурен показателот за продажбата во четвртиот квартал, беа на најниско ниво од 2011-та година“, покажа истражувањето на „MSCI“.
„Екстремно брзиот пораст на каматните стапки значеше дека, откако беа ниски на крајот на 2021-ва година, цените на недвижностите станаа преценети до крајот на 2022-ра година“, коментира Том Лихи, шеф за аналитика на реални средства за Европа, Блискиот Исток и Африка (EMEA) во „MSCI“.
„Ниската ликвидност и нестабилноста на пазарите на обврзници го отежнува процесот на откривање на точната цена на имотот, а тоа води до широка дивергенција во очекувањата на купувачите и продавачите со негативни последици за трансакциите“, додава тој.
Париз остана водечка инвестициска дестинација во Европа откако беа постигнати неколку големи зделки во третиот квартал, како што е купувањето на компанијата за луксузни стоки „Hermès“ од 230 милиони евра на деловната зграда „Anjou“ од „Covivio“. Тие го ограничија падот на обемот на инвестиции во градот на 21% во текот на деветте месеци.
Наспроти позадината на општото забавување на инвестицискиот пазар во Европа, сепак се забележуваат некои области на релативна отпорност. Продажбата на магацини и пензионерски домови во првите девет месеци од 2023-та година се насели околу просечниот обем забележан во периодот пред пандемијата помеѓу 2015-та и 2019-та година, благодарение на големите зделки на францускиот, португалскиот и шпанскиот пазар додека закрепнуваат рекреативните патувања.
Како и да е, канцеларискиот сектор останува под притисок бидејќи пост-Ковид транзицијата кон хибридно работење продолжува да тежи на расположението на инвеститорите. Третиот квартал беше рекордно ниско ниво во однос на бројот на продадени имоти поради загриженоста за функционалната и техничката застареност на зградите од пониска класа, забележа „MSCI“.
