Расположението во германската економија се подобри овој месец за прв пат од април. Најважниот економски показател за земјата порасна во октомври за прв пат по половина година колапс.
Индексот на Институтот за економски истражувања Ifo порасна за неочекувано големи 1,1 поен, на 86,9 поени, пренесува SEEbiz.
Економистите претходно очекуваа раст до 86 поени.
Ifo го базира својот индекс на месечно истражување на околу 9.000 домашни компании од сите економски сектори.
„Германската економија конечно гледа малку светлина на крајот од тунелот“, рече претседателот на Ifo, Клеменс Фуест.
