26 февруари, 2024
ПочетнаЗДРАВЈЕЗапочнува сезоната на болести од кои страдаат милиони луѓе

Започнува сезоната на болести од кои страдаат милиони луѓе

Станува постудено, деновите се пократки, а за многумина тоа значи почеток на сезонско афективно растројство. Милиони страдаат од таканаречениот зимски блуз помеѓу октомври и април.

„Повеќето луѓе ќе ги искусат првите симптоми уште во првите две недели од октомври. Навистина треба да почнеме да ја сфаќаме оваа состојба многу посериозно бидејќи, ако не се лекува, може да уништи животи и да влијае на заболените долго откако ќе заврши зимата“, вели Лин Крили, специјализирана за лекување на оваа состојба.

Што е сезонско афективно растројство?

Станува збор за еден вид депресија која доаѓа и заминува по сезонски модел, односно во време кога поголемиот дел од денот е темно, а телото е помалку изложено на сончева светлина. Мажите имаат двојно поголема веројатност да развијат симптоми, а неодамнешниот извештај покажа дека оние кои живеат во Шкотска, Северен Велс и Лондон се најподложни поради помалата количина на директна сончева светлина што ја добиваат.

„Симптомите може да се појават кај луѓе од сите возрасти, вклучувајќи ги и децата“, вели Лин Крили.

Што предизвикува сезонско афективно нарушување?

Според Лин Крили, точната причина за сезонско афективно пореметување е непозната, иако се смета дека тоа е ефектот на светлината врз природниот деноноќен ритам на телото. Имено, утврдено е дека оние кои патат од сезонско афективно растројство имаат пониско ниво на серотонин кој го регулира расположението и повисоко ниво на мелатонин кој ни помага да спиеме.

Како да препознаете сезонско афективно растројство?

Најчестите симптоми на сезонско афективно растројство се губење на интерес за активности во кои вообичаено уживаме, губење на либидото, проблеми со концентрацијата, зголемен апетит (особено за јаглехидрати) и поспаност.

Како се лекува сезонското афективно растројство?

Сезонското афективно растројство треба да се третира како и другите видови депресија – со когнитивно-бихејвиорална терапија. Пациентите користат и комори за фототерапија. Помагаат и намалениот внес на алкохол и зголемената консумација на темно чоколадо, масна риба, банани, темно месо, авокадо и јаткасти плодови. Ако живеете во делови од светот со помалку сончева светлина, додатоците на витамин Д исто така можат да помогнат.

НАЈНОВИ ВЕСТИ

ХОРОСКОП