Цените на природниот гас достигнаа највисоко ниво на европскиот пазар од февруари, поттикнати од ризиците за снабдување и најавите за заладување на почетокот на грејната сезона.
Во петокот, мегават-час гас на терминските договори со рок на испорака до еден месец на референтната дигитална платформа ТТФ во Амстердам чинеше 56,1 евра, што е највисока цена за приближно осум месеци.
Од почетокот на неделата неговата цена е зголемена за 45 отсто или за околу 18 евра. Цените се зголемени од ризиците за снабдување и временските прогнози кои предвидуваат пад на температурите. Оваа недела во Европа цените на гасот се уште пониски отколку во првите месеци од руската инвазија минатата година.
Ризиците вклучуваат привремено затворање на големо наоѓалиште на природен гас во Медитеранот и гасоводот Balticconnector помеѓу Финска и Естонија поради оштетување. Трговците се загрижени и поради можниот протест на работниците во австралискиот гасен сектор и конфликтот меѓу Израел и групата Хамас.
И покрај растот оваа недела, цените во Европа сè уште се значително пониски отколку во првите месеци од руската инвазија на Украина минатата година, кога накратко надминаа 300 евра за MWh.
На почетокот на грејната сезона европските складишта за гас се добро наполнети.
