25 јули, 2024
ПочетнаЕКОНОМИЈАWall Street падна, инфлацијата во САД над очекувањата

Wall Street падна, инфлацијата во САД над очекувањата

На Волстрит цените на акциите денеска паднаа, по четири дена раст, бидејќи инвеститорите беа загрижени од извештајот кој покажува дека американската инфлација во септември е над очекувањата.

Dow Jones загуби 0,51 отсто, на 33.631 поен, додека S&P 500 се лизна за 0,62 отсто, на 4.349 поени, а индексот Nasdaq 0,63 отсто, на 13.574 поени.

По четири дена раст, вчера паднаа цените на акциите на најголемата светска берза бидејќи инфлацијата во САД е се уште висока. Извештајот објавен вчера покажа дека во септември потрошувачките цени пораснале за 0,4 отсто на месечно и 3,7 отсто на годишно ниво, што е нешто повисоко од очекувањата на аналитичарите.

Базичната стапка на инфлација, без цените на храната и енергијата, очекувано се зголеми за 0,3 отсто на месечно и 4,1 отсто на годишна основа.

Ова е сè уште многу над целното ниво на американската централна банка од 2 отсто, па повторно се шпекулира за дополнително зголемување на каматните стапки на ФЕД.

Дотолку повеќе што податоците објавени претходниот ден покажаа дека и продажните цени во септември пораснале над очекувањата. Поради ова, приносите на државните обврзници вчера повторно пораснаа, што лошо се одрази на берзата.

“Во последните два месеци, пазарот беше под најголем притисок поради зголемувањето на каматните стапки. Секое значајно движење во една или друга насока има значително влијание врз акциите. Вчерашните зголемени каматни стапки извршија притисок врз цените на акциите”, објаснува Мајкл Џејмс, директор во Wedbush Securities.

И на повеќето европски берзи цените на акциите вчера паднаа. Сепак, лондонскиот FTSE индекс зајакна за 0,32 отсто, на 7.644 поени, но франкфуртски DAX се лизна за 0,23 отсто, на 15.425 поени, а париски CAC 0,37 отсто, на 7.104 поени.

НАЈНОВИ ВЕСТИ

ХОРОСКОП