Брисел го обвини американскиот милијардер Илон Маск за ширење дезинформации и незаконски содржини за израелско-палестинскиот конфликт преку неговата социјална мрежа Х.
Имено, европскиот комесар за внатрешен пазар, Тиери Бретон, испрати писмо до Маск, во кое наведува дека поранешната мрежа Твитер шири „незаконски содржини и дезинформации“ во врска со милитантната група Хамас и војната, која беснее веќе петти ден. Тој го повика Маск да преземе контрамерки во согласност со новите правила на ЕУ.
Бретон рече дека има индикации дека Х се користи за ширење нелегални содржини и дезинформации во ЕУ, но не кажа за каква дезинформација станува збор.
Following the terrorist attacks by Hamas against 🇮🇱, we have indications of X/Twitter being used to disseminate illegal content & disinformation in the EU.
— Thierry Breton (@ThierryBreton) October 10, 2023
Urgent letter to @elonmusk on #DSA obligations ⤵️ pic.twitter.com/avMm1LHq54
Не чекаше долго и доби одговор од Маск, кој на својот профил на истата социјална мрежа изјави дека политиката на Х е отвореност.
„Нашата политика е да се задржи сè со отворен код и транспарентно, пристап за кој разбирам дека ЕУ го поддржува. Ве молиме наведете ги прекршувањата на кои се повикувате на платформата X за да може јавноста да ги види“, напиша Маск, коментирајќи го писмото на европскиот комесар.
Маск, исто така, побара да се наведат прекршувањата на кои укажува Бретон за „јавноста да може да ги види“ и додаде на француски „Merci beaucoup“(многу ви благодарам).
Our policy is that everything is open source and transparent, an approach that I know the EU supports.
— Elon Musk (@elonmusk) October 10, 2023
Please list the violations you allude to on 𝕏, so that that the public can see them.
Merci beaucoup.
