X (поранешен Twitter) сака да ја подели својата претплата на три нивоа на членство, во чии рамки цените ќе се разликуваат врз основа на тоа колку реклами се прикажуваат на корисникот.
Според извор на Блумберг кој присуствувал на разговорот помеѓу сопственикот Илон Маск, директорката Линда Џакарино и инвеститорите, компанијата моментално ги тестира варијантите на Basic, Standard и Plus на премиум планот.
Засега не е јасно дали бесплатната верзија ќе продолжи да постои, пишува Verge.
Колку ќе чини?
Цената за сите нивоа на претплата сè уште не е објавена, но најскапиот степен се шпекулира дека целосно ги отстранува рекламите и веројатно чини околу 8 долари месечно или 84 долари годишно.
Финансиите на X се топ тема откако Илон Маск ја купи компанијата за 44 милијарди долари минатата година. Блумберг проценува дека X во моментов должи околу 1,2 милијарди долари годишни камати за својот долг.
Одлуката за претплата не ги изненади аналитичарите, со оглед на тоа што Маск претходно ги објави плановите за зголемување на приходите и елиминирање на ботови со преместување на услуга базирана на претплата.
