Американската помош е на пат за Израел, изјави денеска американскиот претседател Џо Бајден.
Бајден во телефонски разговор му ја потврдил информацијата на израелскиот премиер Бенјамин Нетанјаху.
„Претседателот Бајден го информираше премиерот за интензивниот дипломатски ангажман што САД го презедоа во изминатите 24 часа за поддршка на Израел“, се вели во соопштението на Белата куќа.
„Претседателот испрати дополнителна помош до израелските одбранбени сили и сега е на пат за Израел. Бајден уште еднаш го изрази своето сочувство за исчезнатите, ранетите и убиените и разговараше за напорите да се осигура дека ниту еден друг ривал на Израел не ја искористи предноста на ситуацијата“, рече тој во извештајот.
