Продолжува периодот на лошо расположение на пазарот на криптовалути, таканаречената „крипто зима“, бидејќи инвестициите во веб 3 стартап компании повторно паднаа во третиот квартал во однос на претходниот квартал.
Како што објави порталот Tech Crunch, стартапите кои развиваат веб 3 технологија собрале инвестиции во износ од 1,3 милијарди долари во третиот квартал, што е пад во однос на две милијарди долари што се собрани и во првиот и вториот квартал од оваа година.
Инвестициите во веб 3 стартап компании се во пад од четвртиот квартал на 2021 година, кога беа на својот врв.
Инвестициите беа највисоки меѓу третиот квартал од 2021 година и вториот квартал од 2022 година, кога стартап компаниите поврзани со веб 3 технологијата собраа осум милијарди долари инвестиции во секој квартал.
