„Logitech“ во рамките на својата „G“ линија на производи подготви посебен додаток за сопствениците на паметните телефони на „Apple“.
Компанијата наскоро би требало да го претстави играчкиот контролер за моделите „iPhone 5“, „5S“ и „5C“, со кој треба да се овозможи поудобно играње на игри.
Контролерот има „D-pad“ од левата и четири класични копчиња од десната страна и плус по уште едно копче на горната страна (за двете раце) и копче за пауза.
На задната страна се наоѓа отвор за камерата, додека средината на контролерот е резервирана да се смести „iPhone“ уредот.
Со оглед дека „Apple“ од верзијата на оперативниот систем „iOS 7“ ќе поддржува различни играчки додатоци, па ваквите контролери на пазарот ќе ги има многу повеќе, а „Logitech“ е меѓу првите производители кој веќе има готов производ. Цената на овој додаток се уште не е позната.