Кога патуваме, се прашуваме кои сместувања се најприфатливи, а кои нудат најмногу за парите што ги издвојуваме. Затоа често се откажуваме од хотелско сместување во корист на изнајмување стан затоа што таму можеме да зготвиме нешто, имаме повеќе простор за друштво и нема формалност како во хотел.
Сепак, нова студија спроведена од Which? Travel покажува дека ситуацијата е малку променета и дека хотелите нудат поповолна услуга од Airbnb на многу локации.
Случај само во Европа?
Оваа компанија ја анализираше цената на 300.000 еднокреветни сместувања на популарните локации за изнајмување и ја спореди со цената на илјадници хотелски соби во 50 дестинации во периодот од мај 2022 до мај 2023 година.
Во Амстердам сместувањето во просек чини 210 евра, а хотел во просек чини 133 евра, што е разлика од речиси 60 отсто.
Но, тоа не е случај само во Европа, туку иста ситуација е и во Азија, особено во Хонг Конг, Сингапур и Дубаи каде разликата е речиси 85 отсто, пишува магазинот City.
Дали Airbnb е подобар избор во некој случај?
Позитивната страна на Airbnb е тоа што е сè уште подостапна кога резервирате сместување за повеќе луѓе, особено ако сакате приватност.
Ова значи дека хотелот е подобар избор ако патувате сами, а Airbnb е подобар избор ако патувате во група, но на крајот на денот, секој има различни преференции и опции.
