21 април, 2024
ПочетнаЕКОНОМИЈАИстражување: Њујорк ја задржа својата позиција како водечки финансиски центар

Истражување: Њујорк ја задржа својата позиција како водечки финансиски центар

Њујорк непречено ја задржа својата позиција на водечки финансиски центар, а Лондон го потврди второто место на глобалното рангирање, тесно надминувајќи ги Сингапур и Хонг Конг, се вели во извештајот објавен денеска.

Њујорк се наоѓа на самиот врв на глобалното рангирање од септември 2018 година, кога го престигна Лондон на водечката позиција, со 763 новоосвоени поени, покажува истражувањето кое вклучува 121 финансиски центар и се заснова на 147 фактори.

Сепак, Лондон малку ја намали разликата зад Њујорк, достигнувајќи 744 поени, што веројатно донекаде ќе го смири стравот од конкуренција по излегувањето на Британија од ЕУ.

Сингапур моментално заостанува само два бода зад Лондон, со 742 бода и само еден поен подобар од Хонг Конг, кој го зазеде четвртото место, што навестува се поинтензивна борба за второто место на глобалното рангирање, забележува Ројтерс.

Институтот Z/Yen со седиште во Лондон и Кинескиот развојен институт составуваат индекс на глобалните финансиски центри на секои шест месеци, врз основа на податоците објавени од Светска банка, Организацијата за економска соработка и развој и Обединетите нации, меѓу другите.

Њујорк ја задржа водечката позиција во одделните рангирања на компании за финансиска технологија.

„Финансиските центри во САД се покажаа добро, при што пет од нив се рангирани меѓу првите 10 во светот, што ја одразува силата на американската економија“, заклучуваат авторите на студијата.

Тие исто така додаваат дека Њујорк ја задржал својата водечка позиција на одделните рангирања на компании за финансиска технологија, во која Лондон е исто така втор, претекнувајќи го Сан Франциско.

НАЈНОВИ ВЕСТИ

ХОРОСКОП