Индија, Нигерија и Тајланд се рангирани на првите три места во „Глобалниот индекс на усвојување на криптовалути за 2023-та година“ (2023 Global Crypto Adoption Index) од „Chainalysis“, што јасно покажува дека земјите со понизок среден приход го предводат патот во усвојувањето на криптовалути од населението.
Компанијата за аналитика на блокчејн објави извадок од својот извештај кој покажува дека Централна и Јужна Азија и пошироките региони на Океанија доминираат на врвот на нејзиниот индекс, со шест од првите 10 земји во тој дел од светот, објави „Cointelegraph“.
Индексот нагласува дека на глобално ниво, употребата на криптовалути генерално се намалила од имплозијата на „FTX“ во 2022-ра година. Наспроти ова, земјите со понизок среден приход, идентификувани во класификацијата на нациите на Светска банка по богатство, покажуваат најсилно оживување на усвојувањето на мејнстрим криптовалутите над изминатите 12 месеци.
„Всушност, земјите со низок среден приход се единствената категорија чиешто масовно усвојување останува над нивото што беше во третиот квартал од 2020-та година, непосредно пред последниот пазар на раст“, објаснуваат аналитичарите.
„Chainalysis“ нагласува голем број ветувачки аспекти што може да се соберат од овие податоци, нагласувајќи дека земјите што спаѓаат во оваа категорија имаат тенденција да имаат растечки индустрии и население и сочинуваат повеќе од 40% од светското население.
„Ако претпоставиме дека овие земји се иднината, тогаш податоците покажуваат дека криптото ќе биде голем дел од таа иднина“, смета „Chainalysys“.
Извештајот, исто така, покажува дека институционалното усвојување, поттикнато од организации во земјите со високи приходи, добива на интензитет и покрај долготрајниот мечкин пазар. Тој предвидува дека потенцијалното прифаќање на криптовалутите ќе биде „од дното нагоре и одозгора надолу“. Со други зборови, овие средства ќе им служат на потребите на корисниците и во земјите со високи приходи и во земјите во развој.
Според индексот „Chainalysis“, Индија останува најголемиот пазар на криптовалути и води во прифаќањето оддолу нагоре. Тој, исто така, стана вториот најголем крипто пазар според проценетиот обем на трансакции на глобално ниво, надминувајќи ги другите големи економии.
„Chainalysis“, исто така, ја забележува уникатната шема на индискиот данок за задржување применета на трансакциите со криптовалути, која бара сите трансакции да подлежат на данок од 1% што треба да се одбие од билансот на корисникот во моментот на трансакцијата, за да може да се заврши.
