Милијардерот Илон Маск посочи дека социјалната мрежа X (поранешен Твитер) се подготвува да започне со наплата за пристап до платформата за сите корисници. Клучната причина за воведување на претплатата е борбата против ботовите, кои станаа проблем за компанијата.
„Се движиме кон мала месечна исплата за користење на системот“, рече Маск на средбата со израелскиот премиер Бенјамин Нетанјаху. X моментално им наплаќа на корисниците само за својата претплата X премиум услуга, која чини 11 долари месечно, пишува Гардијан.
Маск истакна дека цената од неколку долари може да ги одврати софтверските оператори да создаваат ботови и да ги вградат во социјалната мрежа. „Покрај тоа, секој пат кога креаторот на бот сака да направи друг бот, ќе му треба уште еден нов начин на плаќање“, изјави Маск.
Elon Musk is reportedly considering the idea of charging everyone to use Twitter/X pic.twitter.com/LKGtGNiLVW
— Dexerto (@Dexerto) September 18, 2023
Тој изјави дека X има околу 550 милиони месечни корисници кои генерираат до 200 милиони објави дневно. Претходно, платформата ја мереше својата база на корисници користејќи различен метод, дневни активни корисници за пари, кои беа 238 милиони пред Маск да го купи Твитер во октомври 2022 година.
Разговорот на Маск со Нетанјаху беше означен како дискусија за технологијата и вештачката интелигенција, но набрзо се сврте кон слободата на говорот и антисемитизмот поради обвинувањата дека X не прави доволно за да го спречи расистичкиот говор на платформата. Израелскиот премиер изрази надеж дека Маск ќе најде нови начини во рамките на Првиот амандман за борба против антисемитизмот и другите форми на омраза.
