Повеќе од 20 години, пребарувачот на „Google“ е главната светска порта до Интернетот, помагајќи им на милијарди луѓе да се движат низ огромниот број информации достапни на интернет, пишува „Statista“.
Иако отсекогаш постоеле алтернативи – „Lycos“, „AltaVista“ во почетокот на ерата на Интернетот, „Yahoo“, „Bing“ и „DuckDuckGo“ во поново време, но „Google“ всушност беше монопол, неприкосновен поголемиот дел од времето.
И тајмингот за „Google/Alphabet“ и нивните акционери е одличен. Само минатата година „Google Search“ генерираше повеќе од 160 милијарди долари приход од реклами, што го направи пребарувачот на „Alphabet“ како што е „iPhone“ за „Apple“: производот што ги постави темелите за долгорочниот успех на компанијата и нејзината вредност од трилиони долари.
Според проценките на „Statista Market Insights“, „Google“ минатата година држеше речиси 60% од глобалните приходи од рекламирање на пребарувачите. Кинескиот „Baidu“ е втор најголем играч на пазарот за рекламирање меѓу пребарувачите со удел од 15%, следен од „Amazon“ со 14%.
Во случај да се прашувате кога „Amazon“ влезе на пазарот на пребарувачи: компанијата монетизира милијарди реклами со клучни зборови и платени резултати од пребарувањето на сопствената платформа, кои се вклучени во дефиницијата на „Statista“ за реклами на пребарувачите.
Според „Statista“, глобалниот приход од рекламирање на пребарувачите беше 252 милијарди долари минатата година, а порасна за 100 милијарди долари за само четири години. Во исто време, се предвидува дека приходите ќе пораснат на речиси 400 милијарди долари до 2027-ма година.
