Најдоцна до 2035 година во Германија нема да има работно место каде што нема да се користи вештачка интелигенција, оцени министерот за труд Хубертус Хајл. Владата финансиски и законски ќе ја поддржи употребата на вештачка интелигенција, потврди министерот.
Додека сите зборуваат за развој на нова технологија, уште од појавувањето на четботот (ChatGPT), многумина се прашуваат „што ќе биде со мојата работа во новинарството, канцеларијата, администрацијата“, изјави министерот во Берлин, пишува ДПА.
Работата, посочи, нема да исчезне, туку ќе се менува.
„Кога добро се користи, вештачката интелигенција може да го направи светот на работата похуман, на пример со спречување на несреќи при работа“, рече Хејл.
Меѓутоа, политичарите не треба да замижуваат пред опасностите од злоупотреба на технологиите, на пример, за трудова експлоатација, „човечко угнетување и целосен надзор“. Онаму каде што ризиците се високи, потребно е да се воведат цврсти правила, нагласи министерот.
Се на се, очекувањата на Хејл се позитивни, а централно прашање е довербата, рече тој, најавувајќи дека министерствата за труд и полиција ќе ги утврдат клучните точки за заштита на податоците на вработените.
Во иднина, вештачката интелигенција првенствено треба да се обезбеди за малите и средни претпријатија, рече Хајл, додавајќи дека тоа треба да и помогне и на администрацијата да биде поефикасна.
На состанокот минатата недела, германската влада усвои стратегија за податоци со која се планира да се утврдат техничките и правните предуслови за употреба на вештачка интелигенција во администрацијата во следните две години.
