Турција ги зголемува каматните стапки за 7,5 отсто

Турската централна банка во четвртокот објави дека ќе ги зголеми каматните стапки за 7,5 отсто на 25 отсто како дел од мерките за ограничување на инфлацијата. Ова е значително повисоко од очекувањата на економистите кои предвидуваа зголемување на таканаречената репо стапка на 20 проценти.

Најновото зголемување на каматните стапки нагласува како новиот тим за економски менаџмент на Турција се обидува да ја врати „рационалната“ политика по годините неортодоксни мерки што ја поттикнаа галопирачката инфлација, пишува Фајненшл тајмс.

Гувернерката на централната банка Хафиз Гаје Еркан, која беше назначена во јуни, ги зголеми каматните стапки за 8,5 отсто. Сепак, експертите предупредуваат дека темпото на зголемување на каматните стапки е премногу бавно со инфлација од 48 проценти во јули.

Турската лира поскапе околу два отсто во однос на американскиот долар по објавувањето на одлуката за зголемување на каматните стапки. Лирата годинава изгуби повеќе од 20 отсто од својата вредност.