Доколку го задржиме кивањето, тој притисок се враќа во некој друг дел од телото кој може да настрада.
Кивањето е еден од одбрамбените механизми на нашиот организам со чија помош ги исфрлуваме бактериите и вирусите од носот. Додека киваме, воздухот низ нашите ноздрви лета со брзина до 160 км на час.
Ако го запреме кивањето, тој притиок се враќа во некој друг дел од телото кој може да настрада.
Тоа е силен рефлекс и може да предизвика оштетување на ушното тапанче, може да дојде и до зголемување на притисокот зад очното јаболко па да се распукаат крвните садови во окото, објаснува њујоршкиот лекар Ерих Вот за „Business Insider“. Може да влијае и на губитокот на слухот и да поттикне силна вртоглавица, пишува HowStuffWork.
Задржувањето на кивањето може да доведе до оштетување на дијафрагмата, а во најлош случај и до мозочен удар, кој може да биде смртоносен.
