Банката на Англија ја зголеми каматната стапка на нов петнаесетгодишен максимум. Комитетот за монетарна политика гласаше за подигање на банкарската стапка на 5,25%, од 5%, зголемувајќи го притисокот врз должниците како што се имателите на хипотеки.
Овој потег покажува дека Банката продолжува да се бори со инфлацијата, која падна на 7,9% во јуни – четири пати повеќе од целта од 2%.
Порастот, кој ќе им донесе поголема болка на должниците, доаѓа и покрај знаците дека економското закрепнување на Британија забавува.
Инаку, аналитичарите најавија претходно денеска дека очекуваат да се случи четиринаесетти раст по ред, објави британскиот јавен сервис Би-Би-Си.
Инфлацијата во Британија останува на највисоко ниво во групата богати земји од Г7, но досега избегнуваше рецесија, како онаа во Германија.
Сепак, економијата не порасна во однос на тримесечниот период пред пандемијата, во услови на серија економски и енергетски кризи.
Има некои знаци дека остриот пораст на стапките, од нешто над нулата на над 5%, почна да влијае на пазарот на домување, при што несолвентноста сега е на највисоко ниво во последните 14 години.
Сепак, пазарот на трудот и понатаму е раздвижен, а готовинските плати продолжуваат нагло да растат.
Одлуката на Банката за последен пат да ги зголеми стапките за 0,5% ја смири нервозата на пазарите. Но, сепак тоа е деликатен момент за економијата, велат од јавниот сервис.
Да потсетиме дека Банката на Англија последен пат ја зголеми референтната каматна стапка за 50 базични поени, на 5,0 отсто во јуни.
