Од почетокот на неделата цената на природниот гас во Европа повторно падна и во последните три сесии се спушти на ниво под 30 евра за мегават час.
Според анализата на „Citi Group“, причина за тоа е слабата побарувачка, пишува „Bloomberg“.
На 14-ти јули, на холандската берза ТТФ, цената на гасот достигна ниво од нешто повеќе од 25 евра за мегават час, но потоа топлотниот бран што ја зафати Европа ги врати стравувањата дека гасот можеби нема да достигне и цената скокна на нивоа од 30 -32 евра за мегават час.
Но, побарувачката за гас во Европа останува под просекот од последните години, по кризата во 2022-ра година, домаќинствата и бизнисите презедоа чекори за ограничување на потрошувачката. Тоа, заедно со рекордните количини на гас во складиштето, брзо го запре растот на цените и стоката се движи кон неделна загуба.
Според аналитичарите во „Wood Mackenzie“, дури и неочекуваното намалување на производството во Норвешка во август или септември веројатно нема да има многу голем ефект врз цената во однос на позадината на целосниот до повеќе од 84% од европскиот капацитет за складирање гас.
Цената на гасот денес е неколкукратно пониска од рекордите од август 2022-ра година, кога беа достигнати 350 евра за мегават час, но сепак е над просечните нивоа од околу 15 евра за мегават час во 2019-та година, односно пред кризите кои предизвика бура на енергетските пазари – пандемијата на коронавирусот и војната во Украина.
