Германските потрошувачи исто така беа оптимисти во јуни: очекуваната стапка на инфлација значително падна осми последователен месец. Стапката на инфлација што ја очекуваат граѓаните во просек во следните 12 месеци падна од 5,3 на 4,8 отсто, објави во петокот Бундесбанк.
Така, очекуваната инфлација е за 3,4 процентни поени пониска од максималните 8,2 отсто што беа во октомври минатата година. Очекуваната стапка за следните пет години е забележително пониска, од 5,1 на 4,7 отсто. Третина од анкетираните во моментов очекуваат цените да се смират.
За монетарната политика на Европската централна банка (ЕЦБ), инфлациските очекувања на граѓаните се речиси исто толку важни како и фактичката инфлација.
Современата монетарна политика главно се води од управувањето со очекувањата. Ако приватните домаќинства стравуваат дека инфлацијата ќе биде висока, луѓето бараат и повисоки саатници или месечни плати, што може дополнително да ги зголеми цените.
Очекувањата сепак се уште се далеку од целта на ЕЦБ да ја задржи инфлацијата во еврозоната на два отсто. Фактичката инфлација во Германија – во јуни беше 6,4 проценти – и е далеку над таа цел, иако трендот е забележително надолен.
