Трагична вест ја потресе спортската јавност во Македонија откога утрово беше обелоденето дека починал 19-годишен ракометар на новиот суперлигаш РК Аеродром.
Станува збор за Андреј Петрески со прекар „штурче“, играч што целата кариера ја мина во овој клуб и во новата сезона требаше да се натпреварува во елитното македонско ракометно друштво. Тој починал во својот дом, а членовите на семејството, како и сите членови на РК Аеродром, се во шок од овој трагичен настан.
Попладнево, од 12.30 часот, во капелата на гробиштата во Бутел ќе биде последниот поздрав со Андреј Петрески. Погребот ќе биде на гробиштата во Камник.
