Минатата година во Европа биле остварени 550 милиони ноќевања во приватно сместување.
Овие 70 проценти од недвижен имот за изнајмување не се регистрирани за плаќање на ДДВ, па затоа Европската комисија иницираше измена на Директивата за ДДВ, според која секој што издава станови или куќи на туристи, кои не се во системот за ДДВ, ќе мора да плаќаат ДДВ за сместување.
ДДВ нема да наплаќаат од изнајмувачите, туку од платформите преку кои гостите наоѓаат сместување, што ќе ја подигне конечната цена.
ДДВ за сместување во Хрватска е 13 отсто, а Европската комисија се надева дека измените ќе стапат на сила во јануари 2025 година, откако сите земји-членки ќе го кажат своето мислење за предлогот.
Минатата година во Европа биле остварени 550 милиони ноќевања во приватно сместување, а Хрватска е во групата земји кои ги надминале бројките пред пандемијата.
Местата покрај морето се уште се апсолутен хит, но малите села и руралните средини добиваат се повеќе и повеќе на цена, покажуваат објавените податоци на Евростат за ноќевањата на гостите кои резервирале сместување преку Airbnb, Booking, Expend и TripAdvisor, пишува Вечерњи лист.
Од десетте региони со најголем раст, девет беа рурални региони во Франција, додека други популарни области беа во Полска, Германија и Шведска. Од 20-те најпопуларни региони во Европа, шест се во Шпанија и Франција, пет во Италија, два во Португалија и еден во Хрватска.
Инаку, пред неколку години Европската комисија ги задолжи споменатите четири интернет платформи да достават податоци за бројот на ноќевања, а некои земји сè уште бараат од нив податоци за даночни цели.
Хрватска лани го зголеми бројот на ноќевања во приватно сместување од 20 на 28 милиони, додека во првите три месеци од годинава се остварени 530 илјади ноќевања, десет отсто повеќе од лани. Минатата година процвета краткорочниот престој на туристите во главниот град на Хрватска, па бројот на ноќевањата е речиси двојно зголемен на 980 илјади во однос на 2021 година.
Во распределбата на туристичката торта добро се снајде и Панонска Хрватска, каде бројот на ноќевања се зголеми за околу 50 отсто, на 248 илјади. Во северна Хрватска лани се остварени третина повеќе ноќевања во приватно сместување, односно околу 135 илјади ноќевања.
Јадранот и морските области се уште се хит со околу 26,6 милиони ноќевања во приватно сместување, што претставува 95 отсто од сите ноќевања во Хрватска преку четири популарни интернет платформи. Останатите 3,5 отсто од ноќевањата ги собра Загреб, а 1,5 отсто сите останати.
