Главниот економист на Европската централна банка, Филип Лејн, рече дека на ЕЦБ ќе и требаат години да ја достигне целта за инфлација, но дека ќе биде постигнат добар напредок веќе оваа година.
На почетокот на овој месец, ЕЦБ ја зголеми својата главна каматна стапка за 25 базични поени на 3,5 отсто, последно во серијата зголемувања од јули 2022 година, додека креаторите на политиката се обидуваат да ја вратат рекордно високата инфлација во еврозоната.
Вкупната инфлација во целиот блок во мај беше 6,1 отсто на годишна основа, наспроти 7 отсто претходниот месец. Базичната инфлација, која ги исклучува променливите цени на храната и енергијата, изнесуваше 5,3 отсто на годишна основа. И двете останаа далеку над целта на ЕЦБ од 2 отсто.
-Онаму каде што мислам дека пазарот треба да си поставува прашања е времето или брзината на пресврт на рестриктивната политика – рече Лејн и додаде:
-Нема да се вратиме на 2 проценти за неколку години. Ќе напредуваме и оваа година, особено во подоцнежниот дел од годината, но тој нема да падне на 2 проценти за неколку месеци – рече тој.
Неговите коментари ги повторија оние на претседателката на ЕЦБ, Кристин Лагард, која на воведното обраќање во вторникот рече дека централната банка постигнала „значаен напредок“ во зголемувањето на каматните стапки, но „сè уште не може да прогласи победа“.
ЕЦБ ги зголеми стапките за 400 базични поени од јули 2022 година. Пазарите ги зголемија стапките за уште 25 базични поени следниот месец и размислуваат за дополнително зголемување во септември, но некои економисти шпекулираат дека ЕЦБ можеби ќе треба да го проништи своето монетарно затегнување, бидејки повисоките стапки ја туркаат еврозоната во обратна насока.
Федералните резерви на САД претходно овој месец одлучија да го паузираат циклусот на зголемување на каматните стапки, оставајќи ја целната стапка непроменета.
Лејн сугерираше дека креаторите на политиката ќе треба да останат на курсот и да ги задржат монетарните услови цврсти некое време.
-Ќе имаме долг период во кој стапките треба да останат рестриктивни за да се погрижиме да немаме нов шок што не оддалечува од 2 проценти и дека е многу важна трајноста на рестриктивноста – рече тој.
„Кога ќе го погледнам хоризонтот за следните неколку години, не гледам брзи намалувања на стапките, така што мислам дека не е соодветно да се очекуваат брзи намалувања на стапките во иднина.
