Интерес за инвестирање во откупно-дистрибутивен центар за овошје во Неготино покажаа инвеститори од Турција, соопшти денеска градоначалникот на неготинската општина Ванчо Апостолов.
– Турците се заинтересираа за нашата нова индустриска зона, Црвени Брегови. Таму локалната самоуправа Неготино обезбедува комунално инфраструктурни предуслови за изградба на вакви и слични капацитети. Ќе сториме се што е во наша можност како локална самоуправа да донесеме една ваква инвестиција на неготинска територија, изјави градоначалникот Апостолов по средбата со турска делегација од Кемал Паша во Турција.
Тој додаде дека Општината е насочена кон привлекување домашни и странски инвестиции.
