Одредени видови на храна се толку здрави што нутриционистите ги нарекуваат суперпроизводи. Токму заради нивните добри состојки не смеете да си дозволите да ги немате на трпезата, а истата особено се препорачува ако сакате да симнете некој килограм.
Лубеница
Бидејќи лубеницата е блага, многу луѓе ја одбегнуваат затоа што мислат дека е преполна со шеќер. Напротив, препорачливо е да ја консумирате заради многу причини. Најголемата причина е што е богата со вода и со тоа ја задоволува потребата на организмот за течност.
Сладок компир
Слаткиот компир се смета за храна богата со калории и јаглехидрати и затоа многумина го заобиколуваат. И тука грешат. Нутриционистите советуваат да го консумирате слаткиот компир затоа што е еден од најдобрите зеленчуци. Тој е богат со витамин Ц и бета каротен.
Домати
Доматите се богати со ликопен кој му помага на организмот во борбата со неколку типови на рак. Добрата вест е што не морате да ги јадете само свежи. Можете и да ги консумирате зготвени, а сепак нема да загубите ништо. Дури можете да консумирате и домати кои се конзервирани.
Грав и леќа
Гравот и леќата се дел од најпопуларните производи меѓу нутриционистите. Тие се на добар глас затоа што се богати со протеини, магнезиум, железо и цинк.
Нив можете да ги консумирате на многу начини, како што е во салата или чорба на пример. Ако сакате да симнете некој килограм, диета базирана на мешунки е одличен избор. Ваквата диета ќе ви помогне да го намалите лошиот холестерол.
