Кога се компромитирани бубрезите, може да се појават многу симптоми. Ако забележите повеќе од еден, би било добра идеја да посетите лекар. Не чекајте состојбата да се влоши, а во продолжение дознајте кои знаци не треба да ги игнорираме бидејќи може да укажуваат на бубрежна болест.
Болка во нозете
На воспаление на бубрезите може да укажуваат болки во грбот, но и во нозете.
Висок крвен притисок
Високиот крвен притисок предизвикан од лошото функционирање на овие органи може да укажува и на бубрежна болест.
Оток
Кога бубрезите не работат добро, вишокот на вода се задржува во телото, што доведува до отекување на рацете и нозете, особено на зглобовите.
Промени во мокрењето
Урината се произведува во бубрезите за да се елиминираат токсините од телото. Ако имате потешкотии со мокрењето, во смисла дека уринирате повеќе или поретко, или ако се појави крв или пена во урината, посетете го вашиот лекар.
Сува кожа
Иако можеби мислите дека сувата кожа укажува на дерматолошки проблем, тоа може да биде сигнал дека бубрезите не работат добро.
Губење на апетит
Губењето на апетитот само по себе не е поврзано со бубрежна болест, но доколку имате некој од горенаведените симптоми, консултирајте се со вашиот лекар.
Губење на здивот
Ако сте без здив по кратка прошетка или дури и кога стоите во место, посетете лекар. Имено, вишокот вода што се задржува во телото кога бубрезите не работат правилно, оди во белите дробови и го отежнува дишењето.
Губење на вкус
Бубрежното заболување може да предизвика метален вкус на храната, а токсините кои не се исфрлаат од бубрезите исто така ќе предизвикаат лош здив.
Гадење и повраќање
Кога бубрезите не работат добро, токсините се таложат во телото, што може да предизвика гадење и повраќање. Затоа, ако често чувствувате гадење и имате необјаснив нагон за повраќање, проверете го здравјето на бубрезите.
Замор
Ако се будите уморни по седум или осум часа сон, можно е ова чувство да е предизвикано од недостаток на црвени крвни зрнца, што го намалува протокот на кислород.
