„Mercedes“ ги покажа сите можности на дизајнерскиот тим, претставувајќи го во Монако минатиот викенд, концептот за луксузната јахта. Концептот е наречен „Arrow460 – Granturismo“, а самата јахта е опишана како сребрена морска стрела.
Инспирацијата за јахатата е земена од дизајнот на легендарниот болид Ф1 на „Mercedes“. Самиот концепт е развиен во соработка со комапнијата „Silver Arrows Marine“, која планира од овој концепт да создаде дело.
Засега концептот е изработен само како макета, додека финалната верзија би била долга 15 метри. Таа ќе се движни со помош на два „Yanmar“ дизел мотори со околу 480КС, со што на јахтата ќе и овозможат брзина од околу 40 чворови.
Почетната цена на оваа необична јахта ќе изнесува 1,25 милиони евра.
