Во вторникот, Меѓународната организација за супервизија на хартии од вредност (IOSCO) го претстави првиот глобален сет на правила за регулирање на пазарите за крипто средства и сродните дигитални технологии.
Нивното создавање во голема мера беше мотивирано од минатогодишниот колапс на берзата „FTX“, што предизвика загриженост за тоа колку се заштитени корисниците во секторот, пренесува „Reuters“.
По тешката 2022-ра година, индустријата, која обично треба да се придржува само кон проверките за спречување на перење пари, повика на глобален пристап кон нејзиното регулирање, бидејќи различни јурисдикции моментално следат свои правила. Значи, претставениот сет на правила е одговор и на ова барање.
Идејата за глобален регулаторен систем за криптосредствата доби на интензитет откако крипто берзата „FTX“ влезе во стечајна постапка во САД минатиот ноември поради криза со ликвидност. Овој колапс предизвика реакција од регулаторните власти ширум светот, што на крајот доведе до одредена конфузија, потсетува новинската агенција, цитирајќи го Жан-Пол Серве, претседател на „IOSCO“, кој рече дека препораките од вторникот биле „пресвртна точка во справувањето со многу јасните и непосредни ризици пред заштитата на инвеститорите и интегритетот на пазарот“.
Предложените стандарди опфаќаат случаи на конфликт на интереси, манипулации на пазарот, прекугранична регулаторна соработка, чување на крипто-средства, оперативни ризици и третман на лоши клиенти.
Планираните 18 мерки имплементираат одамна воспоставени заштитни мерки на традиционалните пазари за регулирање на појавата на судир на интереси меѓу различни страни во крипто трансакцијата, јасно е во текстот на новите правила.
Организацијата, исто така, рече дека има за цел да ги финализира стандардите до крајот на годината, очекувајќи ги нејзините 130 членки ширум светот да ги воведат за брзо пополнување на празнините во сопственото законодавство.
„IOSCO“, група која ги обединува регулаторите како што се Комисијата за хартии од вредност на САД, Јапонската агенција за финансиски услуги, британската управа за финансиско однесување и германскиот „BaFin“, моментално го истражува јавното мислење за новите регулативи. Потегот следи по финализирањето на првиот сеопфатен сет на правила во светот, изготвен од ЕУ овој месец, што ги принуди Британија, САД и другите земји, исто така, да почнат да предлагаат свои мерки.
