На светските берзи вредноста на доларот во однос на кошничката валути се зголеми и минатата недела. Доларот втора недела по ред бележи раст, што меѓу другото е последица на неизвесноста на финансиските пазари, па инвеститорите го пренасочуваат својот капитал кон побезбедни инвестиции, објави агенцијата Мина.
Индексот на доларот, кој го покажува движењето на американската вредност во однос на другите шест најважни светски валути, минатата недела зајакна за 0,4 отсто, на 103,08 поени.
Истовремено, доларот зајакна за 0,8 отсто во однос на европската валута, па цената на еврото се лизна на 1,0805 долари, пренесува Хина.
Курсот на доларот во однос на јапонската валута порасна за 1,7 отсто на 137,95 јени.
Втората недела по ред, благодарение на неговиот статус доларот е како безбедно засолниште во неизвесни времиња.
Волстрит и другите главни светски берзи се опоравуваат од неизвесност околу преговорите меѓу демократите и републиканците во САД за зголемување на плафонот за долгот на владата.
Доколку до 1 јуни не се постигне договор во Конгресот, федералните власти нема да можат да ја финансираат работата на некои државни институции.
Пораките на функционерите на ФЕД за можно натамошно зголемување на каматните стапки со цел да се потисне инфлацијата придонесе за зајакнување на доларот.
Благодарение на ова, до средината на минатата недела индексот на доларот го достигна највисокото ниво во седум претходни недели, а пазарот на пари процени дека има 40 отсто шанси ФЕД во јуни да ги зголеми клучните каматни стапки за 0,25 процентни поени.
Сепак, во петокот, тие шанси паднаа на 19 отсто, а доларот изгуби дел од претходните добивки по коментарите на претседателот на ФЕД Џером Пауел.
Пауел, всушност, рече дека се уште не е јасно дали ФЕД ќе мора да продолжи да ги зголемува каматните стапки или не и дека тоа ќе зависи од идните економски движења, а пред се од инфлацијата, пренесе Мина.
