Швајцарскиот луксузен бренд „Jaeger Le-Coultre“, направи специјален часовник во чест на познатиот сликар, Густав Климт…
Часовникот е создаден од моделот на едно од најпознатите дела на Климт, сликата „Бакнеж“. Таа е настаната во текот на „златниот период“ на Климт, помеѓу 1907 и 1908 година, оваа слика го претставува врвот на неговата кариера. Феноменалниот часовник точно репродуцира, а за неговата изработка користено е дрво од орев, јавор, крушка, лимон и јасен.
Постои сокриено копче кое се користи за автоматско отварање на оваа дрвена обвивка, во која се наоѓа уште едно уметничко тело, а тоа е феноменалниот часовник „Atmos Marqueterie“. Внатрешноста на дрвената кутија е украсена со родиум и сафир, а часовникот е украсен со седеф, злато, дијаманти и дрво. Часовникот содржи 386 рачно изработени делови.
