Новата обврска за поднесување електронски ДДВ пријави, која стапи во сила од 1 јануари годинава, месечните ДДВ обврзници навреме и успешно ја завршија, со мал процент на исклучоци, покажуваат податоците на Управата за јавни приходи (УЈП).
– Од вкупно 4.584 фирми кои имаа обврска до 25 јануари да достават ДДВ пријава по електронски пат преку системот е-Даноци https://etax-fl.ujp.gov.mk/ на УЈП, само 124 месечни ДДВ обврзници не презеле никакви чекори и не се усогласиле со новиот начин на електронска комуникација, односно воопшто не се регистрирале за користење на е-даночните услуги со дигитален сертификат на USB токен, соопшти УЈП.
