Биткоинот ја помина границата од 30.000 долари за прв пат од јуни 2022 година, бидејќи американските инвеститори со нетрпение ги очекуваат клучните податоци за инфлацијата во САД подоцна во текот на неделата, што дополнително ќе ги насочи цените на криптовалутите.
Најголемата криптовалута по пазарна капитализација порасна за седум отсто на 30.193,25 долари за прв пат од јуни, а според последниот рекорд утринава доживеа мала корекција и сега е на ниво од 30.047 долари.
Во исто време, етерот напредуваше за повеќе од 3,5 проценти на 1.925,11 долари за прв пат од август, додека инвеститорите ја чекаа најновата технолошка, т.н. Шангајската надградба на мрежата Ethereum, која е закажана за среда.
Трговците најверојатно шпекулираат дека индексот на потрошувачките цени ќе достигне ниво што и дава причина на американската централна банка (ФЕД) да размисли за паузирање на зголемувањето на каматните стапки на следниот состанок, што би ги зголемило волатилните средства како биткоинот, пишува CNBC.
Колективно, криптовалутите пораснаа оваа година. Со последниот скок што се случи во понеделникот, биткоинот додаде дури 80 отсто, а етерот 60 отсто од својата сегашна вредност.
Макро-двигателите продолжуваат да влијаат на двете дигитални средства. Претстојните податоци за инфлацијата ќе бидат клучни во одредувањето дали и кога ФЕД ќе ја паузира или ќе ја заврши својата кампања за зголемување на основната стапка.
Од друга страна, надградбата во Шангај на блокчејн платформата ethereum се очекува да изврши негативен ценовен притисок на краток рок врз вредноста на оваа криптовалута бидејќи поголема количина на етер токени ќе биде пуштена на пазарот за неколку недели.
