Откако во вторникот го замени традиционалното лого на Твитер со популарното куче „Doge“ од интернет мемињата, денес препознатливата сина птица се врати во левиот агол од екраните на корисниците на Твитер.
„Doge“ се користеше и како симбол за криптовалутата „Doge coin“, која Илон Маск своевремено ја промовираше.
Сè уште не е познато зошто Илон Маск одлучил накратко да го смени логото на Твитер, но судејќи според неговата неодамнешна објава, тој го исполнил ветувањето на корисникот на Твитер „Chairman“.
