Полуавтономниот регион Курдистан постигна договор со централната влада во Ирак за обновување на извозот на нафта во наредните денови, пишува „Bloomberg“.
Ограничените залихи во последните денови доведоа до нагло зголемување на цената на нафтата на пазарот.
Сега двете страни постигнаа пријателско разбирање преку терминалот во турскиот град Џејхан на Средоземното Море. Деталите од договорот сѐ уште не се јавни, додава агенцијата.
Турција го прекина извозот на нафта од Курдистан по одлука на арбитражниот суд. Причината е што извозот не бил договорен со Багдад. Секој ден низ турскиот терминал поминувале околу 400.000 барели нафта од покраината. Обновувањето на овие залихи ќе биде факт по одобрувањето на владината одлука од парламентот на земјата.
Компаниите кои произведуваат нафта во Курдистан го намалија производството од крајот на март.
Односите меѓу владата во Курдистан и централната влада во Ирак почнаа да се подобруваат со доаѓањето на власт на владата на чело со Мохамед Шија ал Судани во октомври 2022-ра година, пишува и „Bloomberg“. Арбитражниот случај за извоз на нафта го покрена претходната влада во Багдад.