Основачот на Алибаба, Џек Ма, се врати во Кина откако помина една година во странство.
Овој потег во индустријата се гледа како знак на позитивна атмосфера за кинеските приватни компании.
Првиот човек на Алибаба, Џек Ма, ја напушти земјата кон крајот на 2021 година, кога ненадејно се повлече по критиките од кинеските власти за покренување истрага за неговата компанија. По напуштањето на земјата, тој за прв пат е виден во Јапонија.
Кинеските власти во последните месеци рекоа дека истрагата е завршена и дека ќе се обидат да го поддржат приватниот сектор, бидејќи кинеските бизнисмени рекоа дека одлуката на Ма да остане во странство ја гледаат како фактор што ја поткопува довербата во државата.
Поради ова, акциите на Алибаба во Хонг Конг пораснаа за повеќе од четири отсто, по веста за неговото враќање.
Ројтерс пренесува дека не соопшти точно кога Ма се вратил во Кина, повикувајќи се на извори, но оти го посетил училиштето што го основал во Хангжу, каде што е седиштето на Алибаба. Според извештаите, училиштето што тој го посетил објавил и поставил фотографии на сметката на WeChat, но никој од неговата матична компанија не го коментирал настанот.
Ма неодамна се откажа од контролата на Ant Group, поради реструктуирање на нејзиниот бизнис.
