Плановите на Кина за изградба на најмалку 100 нови електрани на јаглен за да се балансираат новата зелена енергија, соларна и ветерна, покренуваат многу прашања за аналитичарите. Која е логиката да се бара начин да се намали употребата на фосилни горива преку метод кој бара повеќе фосилни горива, коментираат тие.
„Вистината е дека Кина има повеќе капацитети за јаглен отколку што и е потребно“, коментира Џанг Шуеи, директор на Центарот за истражување на енергија „Draworld“, додавајќи дека не изгледа логично да се инвестира во повеќе јаглен.
Јагленот навистина може да го балансира системот, но само на национално ниво, коментираат понатаму експерти. Сепак, енергетскиот пазар во Кина е фрагментиран, историски, големи погони се изградени за покривање на локалната потрошувачка и индустрија.
Кина е најголемиот производител на обновлива енергија и уделот на зелената енергија рапидно расте, очекувањата се дека до 2025-та година повеќе од 1/3 од електричната енергија на мрежата ќе биде зелена, во споредба со 28,8% во 2020-та година. Според плановите, ќе бидат потребни најмалку 200 гигавати енергија на јаглен за да се балансираат зелените централи.
Сушата во 2022-ра година значително го намали производството на хидроцентралите и ја блокираше индустријата во југозападните региони. Ова повторно ги разгоре стравувањата дека недостатокот на доволно енергија ќе го попречи економското закрепнување на Кина од пандемијата на коронавирусот. За да се заштити од овој ризик, Кина повторно почна да гради централи за јаглен, единствената голема светска економија која реинвестираше во термоелектрани.
Само минатата година беа одобрени 106 гигавати нов капацитет на јаглен, што е четири пати повеќе отколку во 2021-ва година и најостро зголемување од 2015-та година. Минатата година почна изградбата на најмалку 50 гигавати. Одобрените постројки имаат доволно капацитет за покривање на потрошувачката на Велика Британија, покажува и анализата.
Јагленот ќе сочинува нешто повеќе од 58% од енергетскиот микс на Кина во 2022-ра година. Сепак, високите цени на суровините доведуваат до загуби за повеќето термоелектрани во земјата, најмалку половина од компаниите во секторот се во загуба за првата половина од 2022-ра година. Реалното оптоварување на капацитетот е минимално од 52%, дури и кога треба да се вклучи јагленот за да се компензира намаленото производство на хидроцентралите во лето.
Сепак, електраните немаат мотивација да го зголемат производството бидејќи цените за домаќинствата се фиксни, а за бизнисите се за 20% пониски од деловните тарифи, објаснува понатаму „Reuters“. Властите во моментов развиваат механизам за компензирање на загубите на постројките за јаглен, во услови на улогата што тие ќе ја играат како балансери на мрежата.
Но, експертите не се сосема сигурни од каде ќе дојдат средствата за овие субвенции, а тоа се дефинира и како „страшна вест“ во однос на трошоците за изградба на електрани од ОИЕ.
Во оваа фаза, Кина не се откажа од своите планови за јаглеродна неутралност. Земјата планира да го достигне врвот на потрошувачката на јаглен до 2030-та година и постепено да ги намали емисиите на нула до 2060-та година.
