Џек Дорси на обожавателите на социјалните мрежи им е познат како човекот кој го основал „Twitter“, а воедно бил и извршен директор на оваа платформа.
Неговиот последен проект е свежата социјална мрежа наречена „Bluesky“. Целта на оваа мрежа е да им овозможи на корисниците да изградат заедничка и отворена платформа за социјални медиуми.
Во моментов, апликацијата работи на систем за покани и е во бета-тестирање. Покрај тоа, таа е присутна во продавницата за апликации на „Apple“.
„Bluesky“ ги направи своите први чекори во 2019-та година, кога беше замислен како децентрализирана социјална мрежа и проширување на „Twitter“, но подоцна беше одлучено да биде независен сервис.
„Bluesky“ има кориснички интерфејс сличен на „Twitter“, со опција за додавање 256 знаци како и фотографии.
