Бензините од ноќеска на полноќ поевтинуваат за 0,5 денари, а дизелот за еден денар, одлучи денеска Регулаторната комисија за енергетика.
Така, новата цена на ЕУРОСУПЕР БС-95 ќе изнесува 81,50 денари за литар, а на ЕУРОСУПЕР БС-98 ќе биде 83 денари за литар. ЕУРОДИЗЕЛОТ ќе се продава по цена од 71 денар за литар.
Екстра лесното масло за домаќинство се намалува за 0,50 денари за литар, а малопродажната цена на мазутот за 0,515 денари за килограм. Согласно новата одлука, цената на Екстра лесното масло за домаќинство ќе изнесува 60 денари за литар, а на мазуот 42,524 ден/кг.
Намалувањето на цените на нафтените деривати е во просек за 1,01 процент.
