Пазарот на недвижности во Германија за една година драстично се промени во однос на претходната година. Зголемувањето на каматните стапки имаше последици врз германскиот пазар на недвижности. Освен тоа, се потешко беше да се добијат кредити за недвижен имот, што резултираше со забавување на изградбата на станови.
Цените на недвижностите досега го запреа долгорочниот тренд на раст. На крајот на 2022 година имаше дури и „забележлива корекција на цената“. Но, германскиот пазар за куќи и станови се промени и на други начини, пишува списанието Fenix.
Хипотекарниот брокер Interhyp утврди кои трендови и иновации моментално го обликуваат пазарот врз основа на повеќе од 500.000 реализирани хипотеки. Ова се најважните наоди од најновиот индекс на цените на недвижностите на Interhyp:
Цените на недвижностите паднаа низ Германија
Цените на недвижностите паднаа низ Германија во 2022 година. Во метрополите Хамбург, Минхен и Франкфурт цените паднаа дури и до 8 отсто во четвртиот квартал.
Во Келн и Штутгарт е забележано намалување од 7 отсто, а во Лајпциг и Берлин намалување од најмалку 4 отсто.
Постарите недвижнини беа барани
Имотите изградени пред 1990 година биле за 7,5 отсто поевтини во четвртиот квартал отколку во вториот квартал.
Просечниот финансиран имот бил стар 46 години во 2022 година, додека годината пред староста на имотот била 38 години.
Подготвеност за компромис
Додека просечниот станбен простор минатата година бил околу 161 квадратен метар, во 2022 година бил само 156 квадратни метри.
Самоизградбата станува сè поретка: Уделот на изградбата на станови падна од околу 15 на 5 отсто, а изградбата на куќи од околу 15 на 10 отсто, пренесува магазинот Феникс.
Недвижнините не се добра инвестиција
Недвижностите не беа добра инвестиција во 2022 година, а очекуваниот приход од изнајмување беше премногу низок со оглед на високите стапки.
Финансиските бариери остануваат високи
Во просек, клиент на Interhyp донел капитал од 155.000 евра во четвртиот квартал од 2022 година. Тоа е 12 отсто повеќе капитал од претходната година. Бариерите за влез на пазарот на недвижности пораснаа и покрај падот на цените, пишуваат германските медиуми.
И покрај тоа што цените на недвижностите паднаа, не можеме да зборуваме за поволни цени, бидејќи цените на недвижностите со години само растат.
Поскапувањето, кое траеше речиси 20 години, нема веднаш да падне, а овие имоти нема веднаш да станат поволни, предупредуваат експертите.
Што е со закупот?
Добро упатените во пазарот на недвижности не се оптимисти ниту кога се во прашање цените на изнајмување. Според нив, со зголемувањето на цените на недвижностите во Германија се зголемиле и цените на закупнината.
И покрај фактот дека цените на недвижностите паднаа, цените за изнајмување сè уште остануваат над просекот во многу случаи, пренесува списанието Fenix.
Една од причините зошто кириите остануваат високи е хроничниот недостиг на станови со кој Германија се бори со децении.
