Приватните автобуси се враќаат на улиците на крајот од месецот

Приватните превозници ги враќаат автобусите на линиите по постигнатиот договор со Град Скопје. Претставникот на приватните превозници, Јовица Зафировски, за „Макфакс“ посочува дека по 20 овој месец, тие ќе почнат со работа.

„Решение има за линиите. Ќе се пуштат пакетите со линии, односно сите линии ќе учествуваат на јавниот повик. Дојдени сме до целта дека Град Скопје сака да соработува со нас“, посочува Зафировски за „Макфакс“.

Договорот е дека Град Скопје огласот ќе треба да го распише најдоцна до понеделник, на кој тие ќе аплицираат.

„Ние сме останати без работа, тоа е најголемиот мотив. Четири месеци сме без работа. Штетата е огромна“, додаде Зафировски за „Макфакс“.

Во наредниот период ќе се бара решение за долгот од 1,5 милион евра што ЈСП го има кон приватните превозници.