Се очекува дека во 2030-та година 5G технологиите и услугите ќе и донесат на глобалната економија повеќе од 950 милијарди долари. Најголем дел од оваа сума ќе се реализира во развиените региони, вклучително и Источна Азија, Северна Америка и Европа.
Ширум светот нови 5,4 милиони луѓе во светот станаа претплатници на мобилни услуги во 2022-ра година, беше откриено за време на Светскиот конгрес за мобилни телефони во Барселона.
До 2030-та година, ќе има над 865 милиони нови мобилни претплатници ширум светот, а повеќе од половина од нив ќе доаѓаат од Јужна Азија и Субсахарска Африка. Во секој регион, мнозинството нови претплатници ќе бидат млади корисници и оние кои не живеат во големите градови.
Повеќе луѓе од кога било, 4,5 милијарди, сега се претплатите на мобилен интернет. Јазот во користењето на мобилниот интернет во светот (луѓе кои имаат мобилен широкопојасен интернет, но не користат интернет) се намали во текот на изминатите пет години, од просечни 50% во 2017-та година на 41% во 2022-ра година. Ова се случи откако повеќето луѓе околу светот почна да се потпира на услугите на Интернет за секојдневните задачи, особено во почетокот на пандемијата со Ковид-19.
Уште 1 милијарда луѓе ќе се претплатат на мобилен интернет до 2030-та година, бидејќи телекомуникациските компании, владите и другите клучни играчи преземаат чекори за да ги решат бариерите за користење на таквите услуги меѓу поранливите групи.
Бројот на нови претплатници на мобилен интернет ќе биде поголем од оној на новите мобилни претплатници во периодот. Прогнозата нагласува колку е клучната употреба на паметни телефони и миграцијата од 2G кон мобилните широкопојасни услуги (3G и погоре)
5G врската постепено станува мејнстрим
5G продолжува да добива на интензитет низ целиот свет, благодарение на воведувањето на нови мрежи и достапноста на сè повеќе уреди кои поддржуваат такво поврзување. На некои пионерски пазари за 5G, како што се Јужна Кореја и Соединетите Американски Држави, новата генерација мобилни мрежи веќе е широко распространета и ќе покрие повеќе од половина од сите врски до крајот на оваа година.
5G ќе го надмине 4G во оваа деценија и ќе стане доминантна мобилна технологија. 5G конекциите ќе ја надминат границата од 5 милијарди до 2030-та година.
Главните двигатели зад сето ова се:
Стартување на мрежите. Од јануари 2023-та година, во светот има 229 комерцијални 5G мрежи. Во 2023-та година, околу 30 нови пазари ќе лансираат 5G.
Достапност на уреди. До денес, ширум светот се објавени повеќе од 700 модели на 5G паметни телефони, а 200 од нив се појавија во 2022-ра година.
Телеком стратегии. Операторите се повеќе се фокусираат на нови мрежи. Истражувањето на „GSMA Intelligence“ покажува дека корисниците на 5G имаат многу поголема веројатност од корисниците на 4G да додаваат услуги и содржини како видео стриминг, игри и уреди за носење во нивните договори.
Економско и социјално влијание
Економското и социјалното влијание на она што се случува во мобилната индустрија ќе стане повидливо бидејќи мобилното поврзување, вклучително и 5G, станува посуштински дел од начинот на кој луѓето живеат и функционираат компаниите.
Во 2022-ра година, мобилните технологии и услуги создадоа економска активност во вредност од 5,2 трилиони долари, што е еднакво на 5% од светскиот бруто домашен производ. Сумата ќе надмине 6 трилиони долари до 2030-та година, бидејќи земјите ширум светот ќе добијат повеќе од подобрувањата во продуктивноста и ефикасноста.
Покрај тоа, мобилниот екосистем директно и индиректно поддржа 28 милиони работни места во 2022-ра година и придонесе околу 530 милијарди долари во даноци и други давачки.
