Еден од најпопуларните парови на денешницата, Новак и Јелена Ѓоковиќ, веќе 8 години уживаат во хармоничен брак, а заедно се повеќе од 17 години.
Иако врската ја започнаа во средно училиште, би рекле дека Новак и Јелена се вљубени како првиот ден. Тоа го поткрепува и видеото кое Јелена го сподели на својот Инстаграм, не криејќи колку ужива во друштвото на својот сопруг.
Таа на посебен начин сакаше да му честита на Новак за уште еден историски успех.
„Со гордост ја славиме тениската љубовна врска на Новак за која зуи цел свет – а жената не се лути. Новак е најдобриот тенисер во светот најдолго во историјата на тенисот“, стои во описот на видеото, во кое Новак и Јелена заљубено танцуваат, разменуваат нежни погледи.
Коментарите за поддршка и честитки само продолжија, а повеќе од очигледно е дека се заљубени како првиот ден.
Како всушност се заљубиле Новак и Јелена?
Нивната љубовна приказна се враќа во летото 2005 година, кога тие биле тинејџери.
Кога се запознале, тогаш 17-годишниот Новак Ѓоковиќ решил професионално да се занимава со тенис, а таа година бил 78. тенисер на АТП листата.
Јелена Ристиќ која била постарата од Ноле 11 месеци се занимавала со атлетика. Судбоносната средба се случила во поголемо друштво. Благодарение на спортот започнале разговор, сфаќајќи дека имаат многу заеднички теми.
Луѓето кои присуствувале на нивната средба ја карактеризирале како љубов на прв поглед.
-Таа е нешто посебно за мене, таа е моја сродна душа – безброј пати рекол Новак Ѓоковиќ.
-Ме освои со насмевката на прв поглед. Се разбира, изгледот е секогаш на прво место, но љубовта бара многу повеќе. Јелена беше искрена од првиот момент и фала му на Бога што се запознавме пред да постигнам голем успех бидејќи знам дека е со мене поради мене, поради Новак, поради детето кое го запозна на 17 години. Таа е мојот најголем поддржувач, таа е способна, амбициозна и силна. Она што најмногу го сакам кај неа е нејзината искреност, тоа е она што не прави среќни.
Меѓутоа, како што напредуваше нивната врска, се појавија првите проблеми. Имено, поради бројните обврски, Јелена и Новак не можеле да се видат колку што сакале бидејќи немале доволно пари во секое време да се качат во авион и да патуваат во прегратки.
-Нашите гледања беа научна фантастика. Јас бев студентка кој едвај можеше да си дозволи да студира во странство, а тој беше тенисер кој исто така немаше пари да финансира скапо патување. Авионите ни беа вселенски бродови, не можевме да си го дозволиме тоа – се присети еднаш Јелена Ѓоковиќ на почетоците на нивната романса.
Потоа се запишала на студии во Милано, поради што се преселила во Италија.
Јелена за да собере пари дури и работела во обложувалница, но и како промоторка на разни брендови и настани, се со цел да ги растерети родителите од финансирање на студиите во Милано, но и да заработи џепарлак.
До нејзиното дипломирање, двојката одржуваше врска на далечина, а потоа таа конечно му се придружи на бројни турнири ширум светот и беше најгласниот и најверниот поддржувач од трибините.
Нивната романса била на пресврт, па морале да одлучат што понатаму. Разговарајќи за нивниот заеднички живот, тие одлучија Јелена да се пресели во Монако, каде што е нивната семејна база.
Јелена потоа се вработила во човечки ресурси во нафтена компанија.
Но, после една година сфатиле дека таквиот начин на живот не им носи среќа – Јелена работела цел ден, а Ноле постојано бил на разни турнири.
По долг разговор решиле таа да стане директорка на фондацијата Новак Ѓоковиќ преку која организирала бројни хуманитарни акции, но секогаш била покрај Новак на турнирите.
-Работев таму една година и тоа беше невозможна мисија за нашата врска. Новак во еден момент ми рече дека не можеме повеќе така. Додека студирав точно знаев кога сум слободна и кога можам да му се посветам. На работа, деновите ги поминував во канцеларија и нашата врска беше ставена на тест. Затоа баравме друго решение.
-Јелена отсега на сите ќе им ја претставувам како свршеница и идна сопруга! Започнува навикнувањето. Горчливо слатко. Пресреќни сме!, напиша тогаш Новак на Фејсбук.
И додека на теренот го краси неверојатна самодоверба, кога дојде моментот на запросувањето, не му било сеедно.
-Морав да соберам сета храброст за да го направам тоа. Пред тоа ги прашав луѓето кои веќе беа свршени, какво е чувството, што можам да очекувам, но сите ми рекоа дека само кога ќе се случи, кога ќе го кажам прашањето, ќе знам точно какvо е чувството. А чувството е неверојатно, опиша Ноле.
Пред вистинската свадба, која беше закажана за летото 2014 година, споделија уште една радосна вест – на 24 април 2014 година, Новак на Твитер објави дека Јелена е бремена. Како што рече, иако ја планирале бременоста, не нагласиле дека тоа мора да се случи што поскоро.
Тие се венчаа на 10 јули на Свети Стефан во Црна Гора, а светот со голем интерес ја следеше свадбената церемонија. Четири месеци по венчавката, на 21 октомври 2014 година, Јелена се породи во Монте Карло и го роди синот Стефан. Три години подоцна се роди девојчето Тара на 2 септември 2017 година.
