Фјучерсите на сурова нафта пораснаа откако пазарот реагираше на извештаите на Меѓународната агенција за енергија и ОПЕК, според Ројтерс.
Прогнозата беше повисока за 100.000 барели дневно од претходната проценка, а Кина постигна зголемување од околу 900.000 барели дневно.
ОПЕК, исто така, ја зголеми својата прогноза за побарувачката на нафта оваа година за 100.000 барели дневно во однос на последната проценка, наведувајќи го и повторното отворање на Кина и широкото закрепнување на пазарот на гориво.
Организацијата сега предвидува глобален раст од 2,3 милиони барели дневно за да достигне 101,87 милиони барели дневно во текот на 2023 година. Сепак, порастот на залихите на сурова нафта во САД фрли сенка на пазарот, со што цените на Брент паднаа на околу 84 долари за барел по објавувањето на извештајот на ИЕА.
Податоците покажуваат големи количества комерцијални залихи од 16,3 милиони барели, што значи дека досега оваа година во складиштата се испумпани повеќе од 50 милиони барели сурова нафта.
