Аукциската куќа „Sotheby`s“ денес го изложи розевиот дијамант од 59,6 карати, кој во ноември ќе биде понуден на продажба за 60 милиони долари.
Дијамантот „Pink Star“ ќе стане најскапиот дијамант кој досега е понуден на аукција, објави „Sotheby`s“.
„Имав прилика да го проучам најдобриот скапоцен камен во последните 35 години и можам да кажам, без двоумење, дека „Pink Star“ има огромно значење“, изјави Дејвид Бент, претседател на одделението за накит во „Sotheby`s“.
Тој кажа дека дијамантот има непроценлива вредност поради својата големина, чистота и затоа розевите дијаманти се многу ретки.
Дијамантот кога не бил обработен имал 132,5 карати кога во 1999 година во Африка го ископала компанијата „De Beers in“. Компанијата „Steinmetz Diamonds“ го брусела и полирала речиси двe години.
Кога за прв пат и бил претставен на јавноста во 2003 година, тој бил наречен „The Steinmetz Pink“, но името му било променето кога бил продаден по период од четири години.
Цената од 2007 година не е објавена, како ни идентитетот на сегашниот сопственик.
