Европската комисија се откажа од плановите да го вклучи нуклеарниот сектор или неговите претставници во десеттиот пакет санкции против Русија, изјавија тројца дипломати за Политико.
Европската комисија првично им кажа на членките на ЕУ дека ќе се обидат да воведат санкции врз рускиот нуклеарен сектор, а пред состанокот на лидерите на ЕУ минатата недела, украинскиот претседател Володимир Зеленски ги повика барем да воведат санкции за руската компанија за нуклеарна енергија Росатом.
Соговорниците на „Политико“ велат дека овој план пропаднал, бидејќи во последниот нацрт на текстот стои дека се воведуваат санкции во повеќе сектори, но повеќе не се споменува нуклеарната.
Унгарија неколку пати повтори дека нема да дозволи санкционирање на нуклеарниот сектор, а за да се избегне потенцијално вето од Будимпешта, Европската комисија размислуваше да воведе санкции за вработените во Росатом и другите компании од тој сектор, но на крајот одлучи да откаже се.
Покрај Унгарија, на внимателен пристап кон темата повика и Франција, а претставник на француското Министерство за економија предупреди дека „многу европски нуклеарни централи користат руско гориво“.
